Sýǵa batqan balany qutqaryp qalǵan Memlekettik kúzet qyzmeti mamandary marapattaldy
ALMATY. KAZINFORM – Bıylǵy 18 aqpanda Almatyda sýǵa ketken balanyń ómirin qutqarý kezinde kórsetken batyldyǵy men janqııarlyǵy úshin Memlekettik kúzet qyzmetiniń mamany leıtenant Serik Abırov «Sýǵa batqandardy qutqarǵany úshin» medalimen marapattaldy.
Al podpolkovnık Talǵat Qasenov, sondaı-aq maıor Serik Іlııas «Qazaqstan Respýblıkasy TJM Alǵys hatyn» enshiledi.
«Azamattyq qorǵaý organdarynyń atynan balany qutqaryp, jedel is-qımyl jasaǵandaryńyz úshin alǵysymdy bildiremin. Sizderdiń bilikti is-áreketterińiz ben azamattyq ustanymdaryńyzdyń arqasynda jazataıym oqıǵannyń bolýyna jol berilmedi», - dep atap ótti Almaty qalasy TJ departamentiniń bastyǵy polkovnık Nurlan Atyǵaev.
Balanyń ákesi TJD-ǵa arnaıy kelip, jaýyngerlerge ýaqytyly kórsetken kómegi úshin jyly lebizin bildirdi.
Esterińizge sala keteıik, sol kúni saǵat 17:00 shamasynda adamdar qoǵamdyq basseınge shamamen 5-6 jastaǵy balanyń batyp ketkendigin habarlap, kómek suraıdy. Jǵarydaǵy azamattar dereý alǵashqy kómek kórsete bastady. Qutqarylǵan jetkinshek es-tússiz jatqan edi. Leıtenant Serik Abırov eń aldymen karotıd arterııasyndaǵy pýlsti tekserip, onyń joqtyǵyn anyqtady, ıaǵnı bala tynys almaǵan. Artynsha ol júrek-ókpe reanımatsııasyna kiristi. Talǵat Qasenov pen Іlııas Serik keýde qýysyn qysýdy júrgizdi.
Reanımatsııanyń birneshe áreketinen keıin bala jótelip, tynys aldy.
Osylaısha qyzmetkerlerdiń tez jáne senimdi áreketteriniń arqasynda jasóspirim qutqaryldy.
