Sýǵa batqan avtobýstyń júrgizýshisi jumysyna qaıta kiristi - Astana
ASTANA. QazAqparat - «Astana LRT» nóser jaýyn kezinde avtobýsyna sý kirip ketken júrgizýshiniń qaıta jumysqa alynǵanyn málim etti, dep habarlaıdy QazAqparat tilshisi.
«Júrgizýshige qosymsha nusqaýlyq berilip, aldaǵy ýaqytta mundaı jaǵdaıǵa jol bermeý kerektigi eskertildi jáne ol jumysyna qaıta oraldy», - dedi atalǵan uıymnyń baspasóz hatshysy Naýat Azanbaeva.
Sonymen qatar, onyń aıtýynsha, júrgizýshimen áńgimelesý barysynda mundaı jaǵdaıda dıspetchermen aqyldasyp otyrý qajettigi eskertilgen.
«Osy oqıǵaǵa deıin atalǵan júrgizýshige qatysty shaǵym bolǵan emes. Sondyqtan oǵan kelesi joly mundaı jaǵdaı oryn alsa dıspetchermen habarlasý jáne biz usynǵan baǵdarmen ǵana júrýge nusqaýlyq berildi», - dedi ol.
Buǵan deıin Astanada salonyna sý kirip ketken avtobýstyń júrgizýshisi jumystan shettetilgenin habarlaǵan bolatynbyz.
Keıinnen «Astana LRT» kompanııasy atalǵan júrgizýshini jumystan shettetý sebebin de túsindirgen edi.
