Sýǵa batqan adamdy qutqarǵan almatylyq stýdent marapattaldy
ALMATY. QazAqparat – Almatylyq stýdent «Sýǵa batqandardy qutqarǵany úshin» medalimen marapattaldy, dep habarlaıdy QazAqparat tilshisi.
QR Konstıtýtsııasy kúni qarsańynda qalalyq Tótenshe jaǵdaılar departamentinde marapattaý rásimi ótti. Іshki ister mınıstrliginiń «Sýǵa batqandardy qutqarǵany úshin» medalimen Almaty polıgrafııa kolledjiniń stýdenti Marǵulan Dúısesh pen Almaty qalalyq Qutqarý qyzmetiniń qutqarýshysy Qozy Búrkitbaıhan marapattaldy.
Beıbit kúniń batyrlaryna medaldi Almaty qalasy Tótenshe jaǵdaılar departamentiniń bastyǵy Serik Áýbákirov tabys etti.
Esterińizge sala keteıik, jazdyń basynda Saıran sý qoımasynda 43 jastaǵy aýǵan azamaty batyp kete jazdady. Sheteldik qonaqty jaǵajaıda demalyp jatqan 18 jastaǵy Marǵulan Dúısesh qutqaryp qaldy. Sýǵa batyp bara jatqan adamdy kórgen Marǵulan tez arada ony jaǵaǵa shyǵardy. Osy kezde sý qoımasynyń jaǵasynda kezekshilik etken 109 Qutqarý qyzmetiniń qyzmetkeri Qozy Búrkitbaıhan da kómekke kelip úlgerdi.
Sonymen qatar, aıtýly mereke qarsańynda Tótenshe jaǵdaılar departamentiniń birqatar qyzmetkeri vedomstvolyq nagradamen marapattaldy.
«Tótenshe jaǵdaılar departamentiniń ujymy úshin mereıtoılyq saltanatty sharalardyń arasynda QR Konstıtýtsııa kúnin merekeleý erekshe oryn alady. Konstıtýtsııa adamnyń quqyqtary men bostandyqtaryn qorǵaıtyny sııaqty, qalamyzdyń tótenshe jaǵdaılar qyzmeti azamattarymyzdyń qaýipsizdigi men qorǵalýyn qamtamasyz etýge shaqyrylady. 7 aıda Almaty garnızonynyń qutqarýshylary 160-tan astam adamdy qutqaryp, evakýatsııalady»- dedi Almaty qalasy TJD bastyǵy Serik Áýbákirov.
