Sýǵa batyp ketkenderdiń 95 paıyzy ruqsat etilmegen jerde shomylǵan — TJM

ASTANA. KAZINFORM — Tótenshe jaǵdaılar mınıstrligi shomylý maýsymy bastalar aldynda halyqty qaýipsizdik sharalaryn saqtaýǵa shaqyrdy.

— Ókinishke qaraı, sýǵa batyp qaza bolǵandardyń 95 paıyzy ruqsat etilmegen jerge shomylǵan. Osy oraıda taǵy da halyqtyń nazaryna salǵymyz keledi, ruqsat etilgen ıaǵnı qaýipsiz aýmaqta shomylǵan abzal. El boıynsha qaýipsiz sý aıdyndary týraly málimetter BAQ-ta jáne ákimdikter men óńirlik tótenshe jaǵdaılar departamentteriniń saıtynda, sonymen qatar 2 GIS qosymshasynda ornalastyrylǵan, — dedi Tótenshe jaǵdaılar mınıstrligi azamattyq qorǵanys jáne áskerı bólimder komıteti tóraǵasynyń orynbasary Aqylbek Ahmetjanov OKQ-de ótken brıfıngte.

Búginde el aýmaǵynda 698 demalý orny bekitildi, bul ótken jylmen salystyrǵanda az.

— Onyń ishinde 458 jeke jaǵajaı, 227 kommýnaldyq jaǵajaı jáne 13 obekt týrızm men sport úshin paıdalanylady. Qazir jergilikti ákimdiktermen taǵy qosymsha 84 sýǵa túsý aýmaǵyn jasaqtaý jumysy júrip jatyr, — deıdi ol.

Buǵan deıin habarlaǵanymyzdaı jyl basynan beri 11,5 myńnan astam bala júzýdi úırendi.