Sýets shyǵanaǵynda barja aýdaryldy

ASTANA. KAZINFORM – Mysyrdyń Munaı mınıstrligine Offshore Shukheir Oil Company (Osoco) munaı-gaz kompanııasynan Sýets shyǵanaǵynda barjanyń aýdarylǵany týraly habarlama kelip tústi, dep habarlaıdy Kazinform Reuters agenttigine silteme jasap. 

Mınıstrliktiń málimetinshe, Adam Marine 12 Qyzyl teńizdiń Gabal El-Tseıt aımaǵynda – Mysyrdyń eń mańyzdy saýda arterııasy Sýets kanalynan ońtústikke qaraı 300 shaqyrymdaı jerde ornalasqan. Bul aımaq Qyzyl teńizdegi negizgi munaı óndirý oryndarynyń biri sanalady. Oqıǵanyń kanaldaǵy navıgatsııaǵa áser etpeıtini aıtyldy. 

Derekkózder boıynsha, atalǵan oqıǵadan keıin kem degende tórt adam qaza tapty, altaýy iz-túzsiz joǵalyp ketti, taǵy 21 adam qutqaryldy. Derekkózderdiń habarlaýynsha, keme keshki ýaqytta jańa orynǵa bara jatqan jolda aýdarylǵan. 

Buǵan deıin Lıvııa jaǵalaýynda mıllıon barrel munaı tasymaldaǵan Vilamoura tankerinde jarylys bolǵan. QR Energetıka mınıstrligi borttaǵy munaı qazaqstandyq munaı emes dep málimdedi.