Sýets kanalyndaǵy oqıǵa: Sot konteıner tasymaldaıtyn kemeni tárkiledi
KAIR. QazAqparat – Mysyrdyń Ismaılııa qalasynyń ekonomıkalyq ister boıynsha soty alty kún boıy Sýets kanalyn buǵattaǵan Ever Given konteıner tasymaldaýshy kemeniń ıesi 900 mıllıon dollar ótemaqy tóleýi tıis, dep habarlaıdy QazAqparat Shorouk gazetine silteme jasap.
Ótemaqy somasyna Ever Given-di qaırańnan shyǵarý boıynsha ákimshilik shyǵyndary, kemeniń jóndeý jumystaryna, buǵattaý saldarynan kanalǵa jumsalǵan qarajat kirip otyr.
Óz talabynda Sýets kanalynyń ákimshiligi arnaıy sottyń sheshimi boıynsha kemeni tárkileýge ruqsat etetin teńiz saýdasy týraly tıisti mysyrlyq zańǵa súıenip otyr.
23 naýryz kúni 400 metrlik Ever Given konteıner tasymaldaýshy QHR-dan Rotterdamǵa jol tartqan bette 151-shi shaqyrymda qaıyrlap qalǵan. Saldarynan kanaldy alty kún buǵattap, ondaǵy qozǵalysty toqtatýǵa týra keldi. 29 naýryzda birneshe áreketten keıin keme qaırańnan shyǵaryldy, operatsııaǵa 15 býksır qatysty, navıgatsııa qaıta jandandy. Oqıǵa saldarynan óz kezegin kútip qalǵan 422 kemeniń sońǵylary kanaldan 3 sáýir kúni ótti.
«Sot sheshimine sáıkes keme tárkilenip, sottyń baqylaýynda bolady, operator kompanııa Sýets kanalynyń ákimshiligine 900 mıllıon dollar ótemaqy tólemeıinshe, ony paıdalana almaıdy <...>», - dep habarlaıdy basylym.
