Sýets kanaly keńeıtilmek
NUR-SULTAN. QazAqparat – Sýets kanalynyń basqarma basshysy Ýsama Rabıa qazirgi ýaqytta konteıner tasymaldaıtyn kemeniń oqıǵasy qaıtalanbas úshin keme qatynasy kanalyn keńeıtý máseleleri zerttelip jatqanyn aıtty, dep habarlaıdy QazAqparat Al Arabiya telearnasyna silteme jasap.
Sýets kanalynyń dırektsııasy Ever Green konteıner kemesi qate manevr jasaǵan, sonyń saldarynan keme qatty aýytqyp ketken deıdi. Jaǵdaıdy shańdy daýyl men qatty jel ýshyqtyryp jibergen.
Bul faktorlar kanal jolynyń kórinýin nasharlatyp, keme qaıyrlap qalǵan. Alaıda basqarma aýa raıy faktorlary tótenshe jaǵdaıdyń negizgi sebebi emes ekenin aıtty. Óıtkeni konteınerlik kólikke deıin kanal arqyly dál osyndaı aýa raıy jaǵdaıynda shamamen 12 basqa keme sátti ótken.
Qazirgi ýaqytta Jerorta men Qyzyl teńizdi baılanystyratyn Sýets kanalynyń jalpy uzyndyǵy – 193,3 km, tereńdigi – 24 m. Sol sebepti kanal arqyly eń iri kemeler, sonyń ishinde munaı quıatyn tankerler de ótedi. Eske sala ketsek, Ever Given konteınerlik kemesi 23 naýryzda Sýets kanalynyń bir magıstraldy ońtústik bóligin jaýyp, taıaz jerge turyp qalǵan bolatyn. Kemeni shyǵarý úshin alty kún qajet boldy. Sonyń saldarynan 400-den astam keme óte almaı turyp qaldy.
