Sýets kanaly: Qaırańnan shyǵarylǵan júk tasýshy keme kanaldy qaıta bógep tastady
EGIPET: QazAqparat – Dúısenbi kúni qaırańnan shyǵarylǵan Sýets kanalyndaǵy Ever Given konteıner tasymaldaýshy keme qatty jeldiń saldarynan jartylaı burylyp, qaıtadan sý jolynda kóldeneńdep turyp qaldy. Bul týraly Reuters agenttigi kýáger men kanal ákimshiligindegi derekkózge silteme jasap habarlady.
Onyń aıtýynsha, bul rette pozıtsııanyń ózgerýine qaramastan, keme qaıtadan qaırańǵa shyqpaǵan. Basqa málimetter ázirge berilgen joq.
Al Arabiya telearnasy habarlaǵandaı, keme kanalda qaıtadan kóldeneńinen turyp qaldy, sebebi arnanyń aǵysy sýdyń kóterilý áserinen baǵytyn ózgertti. Ony farvaterge keri súırep aparý áreketteri aǵys baǵytyn ózgertkeshe ýaqytsha toqtatyldy.
