Sýdyń jetispeýshiligi Taıaý Shyǵys ekonomıkasyna aýyr soqqy bolady
ASTANA. QazAqparat - Dúnıejúzilik banktiń sarapshylary Taıaý Shyǵys elderiniń JІÓ 2050 jylǵa qaraı sýdyń jetispeýshiligi saldarynan 14-ten astam paıyzǵa qysqaratyny týraly qorytyndy jasap otyr.
Sarapshylar usynǵan baıandamada aýyzsý tapshylyǵy sondaı-aq AQSh pen Batys Eýropada da ósetini, biraq ol ekonomıkaǵa aıtarlyqtaı keri áserin tıgize qoımaıtyny habarlanyp otyr. Sýdyń jetispeýshiligi Úndistan men Qytaıda JІÓ ósimin baıaýlata alatyny atap ótiledi.
Qazirgi kezde Jer betindegi 1,6 mıllıard adam aýyz sý jetispeýshiligine tap bolyp otyr. 2016 jyldyń sáýir aıynyń sońynda 175 memleket parnıktik gazdardy shyǵarýdy qysqartýdy qarastyratyn kelisýshilikke qol qoıdy. Ǵalymdar bul jahandyq jylyný qarqynyn baıaýlata alady dep esepteıdi.
