Sýdyń ýlanýy, aýrýhanalarǵa jappaı qabyldaý týraly aqparat - feık

NUR-SULTAN. QazAqparat – Densaýlyq saqtaý mınıstrligi áleýmettik jeli, messendjer arqyly taraǵan feık aqparattarǵa senbeýge shaqyrdy, dep habarlaıdy QazAqparat tilshisi.

«Áleýmettik jeliler, messendjerler arqyly sýdyń ýlanýy, vırýsolog dárigerlerdi arnaıy qonaq úılerge qonystandyrý, balalardy emdeý jáne aýrýhanalarǵa jappaı qabyldaý jáne reanımatsııa týraly arnaıy hattama daıyndaý týraly taratylǵan aqparat shyndyqqa janaspaıdy. Azamattardy osyndaı arandatýlarǵa barmaýǵa jáne memlekettik organdar jarııalaǵan aqparatqa ǵana senýge shaqyramyz», - delingen mınıstrlik habarlamasynda.

Densaýlyq saqtaý mınıstrligi barlyq qabyldanǵan sheshimder, onyń ishinde bas sanıtarlyq dárigerdiń jańa qaýlylary jáne koronavırýstyq ınfektsııamen aýyratyn naýqastardy emdeý hattamalaryndaǵy ózgerister týraly azamattardy barynsha jedel habardar etedi.