Sýdyń qorshaýynda qalǵan aýyldyń qazirgi jaǵdaıy qalaı
NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker Eski Kolýton aýylynyń jaǵdaıy týraly aıtyp berdi. Ol jerde 240 úı bar. Barlyǵy 715 adam turady, dep habarlaıdy QazAqparat tilshisi.
Onyń aıtýynsha, búginde Aqmola oblysy Astarahan aýdanyndaǵy Kolýton ózeniniń deńgeıi tómendep keledi. Bir táýliktiń ishinde sý deńgeıi 3 metr 77 santımetrden 3 metr 62 santımetrge deıin tústi. Búginde birneshe úıdiń aýlasyn basqan sýdyń bári ketti.
«Eski Kolýtonǵa baratyn avtomobıl jolyn sý basqan edi. Buǵan deıin joldyń 700 metri sýdyń astynda bolsa, qazir shamamen 40 metri qalyp otyr. Al sý deńgeıi 60-70 santımetrdi quraıdy. Ol jerde joldyń ústińgi qabaty buzylǵan. Sol sebepti jol qozǵalysy jabyq», - dedi V.Bekker elordada ótken baspasóz máslıhatynda.
Komıtet basshysynyń sózine qaraǵanda, jergilikti atqarýshy organdar arnaıy tehnıkany daıyndap, búginnen bastap jol jóndeý jumystaryna kirisedi.
«Joldyń shetki jaqtaryn da sý shaıyp ketti. Sondyqtan, ol jerge de topyraqty úıetin bolady. Sý deńgeıi túskennen keıin joldyń qalǵan bóligi jóndeledi. Sóıtip, Eski Kolýton aýlyna baratyn jol da ashylady. Bul jumystar shamamen 4 kún ishinde jasalady», - dep atap kórsetti V.Bekker.
Aıta keteıik, osy aptanyń basynda komıtet basshysy Astraxan aýdany boıynsha birneshe aýylda jaǵdaıdyń kúrdeli ekenin jetkizgen bolatyn. TJK baspasóz qyzmetinen habarlaǵandaı, 7 sáýir kúni Astrahan aýdanyndaǵy Kolýton ózeninde sý deńgeıiniń kóterilýine baılanysty Eski Kolýton aýylyndaǵy 20 aýlany sý alyp ketken.
«Aýlalardaǵy sý deńgeıi 30 santımetr bolyp otyr. Búgin boljam boıynsha Kolýton men Eski Kolýtonda sý deńgeıiniń kóterilýi shyrqaý shegine jetýi kerek. Astrahan aýdanyndaǵy Kolýton, Eski Kolýton jáne ıAgodnaıa aýyldary boıynsha jaǵdaı kúrdeli bolyp tur. Eski Kolýton avtokólik baılanysynan úzilip qaldy», - degen edi V.Bekker.
