Sýdıalardy irikteýge arnalǵan aqparattyq júıe quryldy
ASTANA. KAZINFORM – Qazaqstanda sýdıalardy irikteýge arnalǵan aqparattyq júıe quryldy. Bul týraly Ortalyq kommýnıkatsııalar qyzmetinde Joǵary Sot Keńesiniń múshesi Janat Ospanova málimdedi.
Onyń aıtýynsha, 2026 jyly kadrlyq úderisterdi tolyq tsıfrlandyrýǵa basymdyq beriledi. Qazir bul baǵytta avtomattandyrý jumystary júrgizilip jatyr.
– Osy maqsatta «Vakansııalar», «Sýdıalar tizilimi» jáne «Sottar tizilimi» modýlderin qamtıtyn júıe ázirlendi. Ol kadrlyq úderisterdiń ashyqtyǵyn arttyryp, merzimderdi qysqartýǵa jáne sheshim qabyldaýda adamı faktordyń áserin azaıtýǵa múmkindik beredi, – dedi Janat Ospanova.
Júıeni 2026 jylǵy shildede tájirıbelik paıdalanýǵa engizý josparlanyp otyr.
Aıta keteıik, buǵan deıin sýdıalardy irikteý emtıhanyn tapsyrý merzimi 1,5 jyldan 3 aıǵa deıin qysqarǵany habarlanǵan bolatyn.
