Sýdıaǵa JI kómegimen jazylǵan 4 500 bettik talap aryz tústi
ASTANA. KAZINFORM — Germanııadaǵy sýdıalardyń birine jasandy ıntellekt kómegimen ázirlengen 4 500 bettik talap aryz tústi. Qazir elde mundaı qujat sany kóbeıgen, dep habarlaıdy BILD.
ChatGPT kómegimen azamattar birneshe sekýndtyń ishinde kólemdi zań qujattaryn ázirleı alady. Alaıda mundaı qujattarda oıdan shyǵarylǵan sot sheshimderi men qoldanysta joq zań normalaryna siltemeler jıi kezdesedi.
Ásirese advokattyń kómeginsiz-aq júginýge bolatyn áleýmettik máseleler jónindegi sottarǵa túsetin júkteme artqan.
Baden-Vıýrtemberg jerinde bir jyl ishinde shuǵyl sot isteriniń sany 60 paıyzǵa, al áleýmettik járdemaqylarǵa qatysty daýlar boıynsha ister 80 paıyzǵa ósken. Bavarııada 2026 jyldyń alǵashqy jartysynda járdemaqylarǵa qatysty talap aryzdar sany 60 paıyzǵa artqan.
Soǵan qaramastan, sýdıalar túsken barlyq qujatty qarap shyǵýǵa mindetti. Tipti mátinniń edáýir bóligi qaralyp jatqan iske qatysy bolmasa da, ony zerdeleýge týra keledi.
Sottarǵa túsetin júktemeniń artýyna baılanysty Germanııanyń Ádilet mınıstrligi sot isin júrgizý týraly zańnamany reformalaýdy ázirlep jatyr. Ózgerister sot qujattarynyń kólemi men rásimdelýine qoıylatyn talaptardy belgileýi múmkin.
Basqa usynystardyń qatarynda sottardyń óz jumysynda jasandy ıntellektini paıdalanyp, kólemdi talap aryzdardy taldaýy jáne qysqartýy da bar.
Aıta keteıik, Belarýste jasandy ıntellekt kómegimen jasalǵan ıkonaǵa qasıetti rásim jasaldy.
