Sýdıa Tramptyń týý quqyǵy boıynsha azamattyq týraly jarlyǵyna ýaqytsha tyıym saldy
ASTANA. KAZINFORM – Sıetldegi federaldyq sýdıa prezıdenttiń týa bitken azamattyqty 14 kúnge shekteý týraly jarlyǵyna ýaqytsha tyıym salý qaýlysyn shyǵardy, dep habarlaıdy Kazinform menshikti tilshisi.
- Usynylǵan másele osy sııaqty anyq bolǵan basqa jaǵdaı esimde joq. Bul – Konstıtýtsııaǵa qaıshy buıryq, - dep habarlady aǵa aımaqtyq sýdıa Djon Koenýr.
Bul is tórt shtattyń (Vashıngton, Arızona, Illınoıs jáne Oregon) jarlyq kúshine engenge deıin tosqaýyl qoıýǵa árekettengeninen soń qozǵaldy. Bul demokratııalyq bas prokýrorlar men mıgranttardyń quqyqtaryn qorǵaý uıymdarynyń konstıtýtsııaǵa qaıshy tártipke qarsylyq bildirip, sotqa túsirgen bes shaǵymnyń biri.
AQSh Konstıtýtsııasyna 14-shi túzetý uzaq ýaqyt boıy sheteldik dıplomattardyń balalaryn qospaǵanda, AQSh aýmaǵynda týǵan kez kelgen adamǵa avtomatty azamattyq berý retinde túsindirildi jáne onda bylaı delingen:
- Qurama Shtattarda týǵan nemese natýralızatsııalanǵan jáne onyń ıýrısdıktsııasyna jatatyn barlyq adamdar – bul Amerıka Qurama Shtattarynyń jáne olar turatyn shtattyń azamattary -.
Túzetý 1857 jyly AQSh Joǵarǵy sotynyń Dred Skott isi boıynsha shyǵarǵan sheshimine jaýap retinde engizildi, onda quldardan shyqqan adamdar azamat bolyp tabylmaıtyny aıtylǵan.
Ádilet mınıstrliginiń zańgerleri óz qujattarynda Koenýrǵa týa bitken azamattyq týraly buıryq Donald Tramptyń «eldiń mıgratsııalyq júıesi men ońtústik shekaradaǵy daǵdarysty sheshýge» baǵyttalǵan kúsh-jigeriniń «quramdas bóligi» ekenin habarlady.
Olar Tramptyń mundaı buıryq shyǵarýǵa ókilettigi bar, al shtattardyń boljamdy ekonomıkalyq zalal negizinde sotqa júginý quqyǵy joq ekenin aıtty.
Іs AQSh Joǵarǵy sotynda apellıatsııaǵa berilýi múmkin.
Ádilet mınıstrliginiń ókiliniń málimdeýinshe, olar AQSh Konstıtýtsııasyna 14-shi túzetýdi durys túsindiretin prezıdent Tramptyń buıryǵyn tabandy túrde qorǵaıtyn bolady.
Osyǵan deıin Tramptyń bılikke kele sala AQSh-ta jumys isteýge ruqsat beretin mıgratsııalyq qosymshanyń jumysyn toqtatqany týraly jazdyq.