Sýdıa Tramptyń adamdardy deportatsııalaý boıynsha ókilettigin shektedi

ASTANA. KAZINFORM – Federaldy sýdıa Tramp ákimshiligine bes venesýelalyq azamatty deportatsııalaý úshin 18 ǵasyr zańyn qoldanýǵa tyıym saldy, dep habarlaıdy NBC News. 

Donald Tramp amerıkalyq prezıdentke adamdardy elden zańsyz deportatsııalaýǵa keń aýqymdy ókilettikter berýi múmkin 1798 jylǵy Sheteldik jaýlar týraly zańǵa júginbek boldy.

Kolýmbııa okrýgi aımaqtyq sotynyń bas sýdıasy Djeıms Boasberg venesýelalyq bes azamattyń apellıatsııalyq shaǵymynan keıin 14 kún boıy deportatsııalaýǵa jol bermeıtin ýaqytsha sot sheshimin shyǵardy.

Birneshe saǵattan keıin Tramp ákimshiligi eshqaıda ketpeý týraly buıryqqa shaǵym túsirdi.

Bul jaǵdaı kóptegen sot isin qozǵady. Osylaısha, Los-Andjeles ımmıgratsııalyq advokaty Ahılan Arýlanantam venesýelalyqtardy zańsyz deportatsııalaýǵa tosqaýyl qoıýdy talap etip, eki ótinish berdi.

1798 jylǵy zań prezıdentke kez kelgen sheteldikti sotsyz deportatsııalaýǵa, kez kelgen azamatty jaý dep jarııalaýǵa jáne Kongress pen úkimetke jala jabýdy qylmystyq jaýapkershilikke tartýǵa quqyq beredi.

Buǵan deıin AQSh-tan jartysy kámelettik jasqa tolmaǵan 135 zańsyz ımmıgrant deportatsııalanǵany habarlanǵan bolatyn.

Buǵan deıin AQSh 135 zańsyz mıgrantty deportatsııalaıtynyn, olardyń jartysy balalar ekenin jazǵan bolatynbyz.