Sýdy únemdeý maqsatynda 2014 jyldyń aıaǵyna deıin halyqtyń tutyný kólemine baılanysty saralanǵan tarıfter engiziledi

Bul týraly búgin Úkimet otyrysynda Tabıǵı monopolııalardy retteý agenttiginiń tóraǵasy Nurlan Aldabergenov málim etti.

Onyń atap ótýinshe, agenttik aǵymdaǵy jyldyń sońyna deıin tutynýshylar toptary boıynsha saralanǵan tarıfterdi engizýdi aıaqtaýdy, al 2013 jyly normatıvten tys shyǵyndardy tolyq joıýdy qamtamasyz etýdi josparlap otyr.

Qazirgi ýaqytta elimizdiń Ońtústik Qazaqstan, Aqmola, Atyraý, Aqtóbe jáne Mańǵystaý oblystaryndaǵy 5 sý arnasynyń ınvestıtsııalyq tarıfter boıynsha jumys istep jatqandyǵyn atap ótken agenttik basshysy, «2020 jyldyń sońyna deıin respýblıkanyń barlyq sý arnalaryn ınvestıtsııalyq tarıfterge aýystyrý jáne normatıvtik shyǵyndardy 15 paıyzǵa deıin ońtaılandyrý júrgizý joramaldanýda», dedi.

Tutynýshylar toptary boıynsha saralanǵan tarıfter qazirgi ýaqytta respýblıkanyń 12 óńirinde engizilip, óz jemisin berýde.

N.Aldabergenovtiń keltirgen málimetterine sáıkes, osy aralyqta sý tutyný kólemi 6-dan 10 paıyzǵa deıin aralyqta únemdeýge qol jetkizilgen. «Bul oraıda sý arnalarynyń kirisi 12,5 mıllıard teńgege ulǵaıdy, bul qarjy ınvestıtsııalyq baǵdarlamalarda qarastyrylǵan is-sharalardy júzege asyrýǵa qarastyrylyp otyr», dedi ol.

Agenttik tóraǵasynyń atap ótýinshe, 2009 jyldyń qorytyndysyna sáıkes normatıvtik shyǵyndar -1,1 mıllıard, al normadan tys shyǵyndar 210 mıllıon teńgege tómendegen.