Sýdyń «qara naryǵy»: Qyzylordada 400-ge jýyq zańbuzýshylyq anyqtaldy
QYZYLORDA. KAZINFORM – Qyzylorda oblysynda sýdyń «qara naryǵynyń» aldyn alý baǵytynda túsindirý jumysy atqarylyp jatyr. Ásirese, sýdy zań aıasynda únemdi paıdalaný, ruqsat qujatyn rásimdeý, sýdy qaıtadan paıdalaný jáne sý qorǵaý aımaqtaryn belgileýge basa mán beriledi.
Sý resýrstaryn qorǵaý jáne paıdalanýdy retteý jónindegi Aral-Syrdarııa basseındik sý ınspektsııasynyń málimetinshe, sýdyń bekitilgen kestege sáıkes alynýy qatań baqylaýda. Ol úshin kanaldardyń bas saǵasynda sý ólshenedi.
- Bıyl 6 aıda 80 tekserý júrgizip, 391 zań buzý deregin anyqtadyq. Tekserý nátıjesinde 38 nusqama berildi, - dedi ınspektsııa basshysy Zeınýlla Qaztoǵanov.
Qolǵa alynǵan is-sharalar vegetatsııalyq kezeńde sýdy tıimdi paıdalanýǵa múmkindik beredi.
Aıta keteıik, qazaqstandyqtar óńirlerdegi sýdyń «qara naryǵy» faktileri boıynsha anonımdi túrde júgine alady.
