Sýdy ýaqtyly óshirýdi umytpaý kerek - Almaty ákimi tarıfterdiń qymbattaýy týraly

ALMATY. KAZINFORM – Almaty turǵyny qańtar aıynda kommýnaldyq qyzmettiń aqysy 3 ese óskenin aıtyp shaǵymdandy.

Óz jaýabynda Erbolat Dosaea megapolıste sýdy tutyný kólemi boıynsha saralaý júıesin engizgilgenin aıtty.

- Shyn máninde, tarıfter boıynsha apatty eshteńe bolǵan joq. Biz tutyný kólemi boıynsha saralaý júıesin engizdik, endi esepshottar tártipke keledi. Óıtkeni biz bir adamǵa shamamen qansha qajet ekenin eseptep, tutyný mólsherlemesin ózgerttik. Biz Almatyda turǵyndardyń sýdy paıdalanýǵa uqypty qaraǵanyn qalaımyz. Sý qajettilikterge qaraı uqypty paıdalanylsa, biz qoıǵan mólsherleme bir adamǵa tolyqtaı jetedi. Tek krandy ýaqtyly óshirýdi umytpaý kerek, - dedi Erbolat Dosaev.

Sondaı-aq shahar basshysy sýdyń mańyzdylyǵyna toqtaldy. Onyń aıtýynsha, sý qoryn paıdalanýdyń mólsherin azaıtý kerek.

- Sý bizdiń basty baılyǵymyz bolady. Biz qazir qosymsha jerasty sý kózderin anyqtaý boıynsha jumys istep jatyrmyz. Biraq bizde jetkilikti sý qory bar. Dese de, ári qaraı sýdyń sapasyn jaqsartý jáne ony paıdalanýdy azaıtý úshin kúresemiz, - dedi ákim.

Eske salaıyq, buǵan deıin Almatyda jylý men ystyq sý baǵasy nelikten óskenin jazǵanbyz.