Sýdanda áskerı ushaq qulap, ekıpajdyń barlyq múshesi qaza tapty

ASTANA. KAZINFORM — Sýdanda Il-76 áskerı júk ushaǵy qulap, ekıpajdyń barlyq múshesi qaza tapty, dep habarlaıdy TASS agenttigi.

«Il-76 ushaǵy tehnıkalyq aqaý paıda bolǵannan keıin Qyzyl teńiz jaǵasyndaǵy Port-Sýdan qalasyndaǵy «Osman Dıgna» avıabazasyna qonýǵa talpynǵan kezde qulady», delingen habarlamada.

Derekkóz sondaı-aq ekıpajdyń barlyq múshesi qaza tapqanyn naqtylaǵanymen ushaq bortynda bolǵandardyń naqty sanyn keltirmegen.

Aıta keteıik, AQSh áýe kúshteriniń F-16 joıǵysh ushaǵy Kalıfornııa shtatynyń San-Bernardıno okrýginde apatqa ushyraǵanyn habarlaǵanbyz.