Sýdandaǵy reseılik ushqyshtar bosatyldy
ASTANA. Tamyzdyń 31-i. QazAqparat - Tamyzdyń 29-ynda Sýdannyń ońtústik Darfýrynda urlanǵan reseılik úsh ushqysh bosatyldy. Buǵan deıin, olardy aqsha talap etý maqsatynda shetel azamattaryn urlaýǵa mashyqtanǵan jartylaı saıası, jartylaı bandıttik top basyp aldy, dep habarlanǵan bolatyn. Kepildegilerdi qutqarý týraly tolyǵyraq aıtylmaı otyr, dep habarlaıdy Vestı.Rý.
Mundaı aqparatty Ońtústik Darfýr bıligine silteme jasaı otyryp, jergilikti basylymdar taratty. Biraq, «Reseı 24»-tiń habarlaýynsha, RF Sýdandaǵy elshiligi bul aqparatty ázirge rastaǵan joq, olardyń aıtýlaryna qaraǵanda reseılik ushqyshtar birneshe saǵat kóleminde bosatylýy tıis.
Reseılik ushqyshtar tamyzdyń 29-ynda Ońtústik Darfýrda urlandy. Badr Airlines kompanııasynda kelisim-shart boıynsha jumys isteıtin reseılik úsh ushqysh - ekıpaj komandıri V.Malaı, ekinshi ushqysh K.Pelıkaev jáne bort ınjener G.Fılevchenko otyrǵan kólikti jergilikti ýaqyt boıynsha 16:00 saǵat shamasynda bet perde jamylǵan qarýly top basyp alǵan. Ózderi turatyn úıden 50 metr jerde kepilge alynǵan reseılikterdi qarýly top belgisiz baǵytqa qaraı alyp ketken.
Reseı syrtqy saıasat vedomstvosynyń málimetteri boıynsha, reseılikiterdi Nıal qalasynda ustaǵan. Federatsııa Keńesi Halyqaralyq ister jónindegi komıtetiniń basshysy Mıhaıl Margelovtiń aıtýynsha, urlanǵan ushqyshtardy izdestirý jáne olardy bosatý sharalaryna Sýdan qaýipsizdik qyzmeti, RF elshiligi, BUU qurylymdary jáne Badr Airlines avıakompanııasynyń ókilderi birlese atsalysty.
