Sýdandaǵy Qazaqstan azamattary qaýipsiz jerge shyǵaryldy - mınıstrlik

ASTANA. QazAqparat – Sýdandaǵy Qazaqstan azamattary qaýipsiz jerge shyǵaryldy. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

Búgin Syrtqy ister mınıstrliginde ótken baspasóz máslıhatynda tilshiler Sýdandaǵy Qazaqstan azamattaryn shyǵarýǵa qatysty suraq qoıdy.

«Sýdanda úsh azamatymyz bolǵan. Olar qaýipsiz jerge shyǵarylǵany týraly aqparat bar. Bireýi BUU júıesinde qyzmet etken. Ol Efıopııa astanasyna jetkizildi. Ekinshi azamat japon kompanııasynda jumys istedi. Ol Japopııa dıplomattary kómegimen Sýdannan shyǵaryldy», - dedi A. Smadııarov.

Budan buryn habarlanǵandaı, bıyl sáýir aıynda Sýdanda kúsh qurylymdary arasynda qarýly qaqtyǵys bastaldy.

Qaqtyǵystyń besinshi kúninde Sýdan densaýlyq saqtaý mınıstrligi Dúnıejúzilik densaýlyq saqtaý uıymyna (DDSU) 270 adamnyń qaza tapqanyn jáne 2600-den astam adamnyń jaraqat alǵanyn málimdedi.