Sýdandaǵy qaqtyǵystan júzge jýyq adam qaza tapty
AMMAN. QazAqparat – Sýdan armııasy men Jedel qoldaý kúshteriniń áskerılendirilgen toby arasyndaǵy úsh kúnge jalǵasyp jatqan qaqtyǵys saldarynan 97 adam, sonyń ishinde BUU-nyń úsh qyzmetkeri qaza tapty, dep habarlaıdy QazAqparat tilshisi AlJazeera-ǵa silteme jasap.
Senbiden beri Sýdan qarýly kúshteri Jedel qoldaý kúshine (arab jasaǵynan quralǵan top) qarsy áskerı áreket jasap jatyr.
Qaqtyǵysqa artıllerııa men avıatsııa tartyldy. Jarylys el astanasy Hartýmda, sondaı-aq taıaý mańdaǵy Omdýrmane jáne Bahrı qalalarynda estildi.
Sýdan dárigerler kásipodaǵynyń málimetinshe, dúısenbide qaza tapqan adam sany 97-ge jetken, taǵy 365 adam jaraqat alǵan.
Jeksenbi kúni qaqtyǵys kezinde BUU Dúnıejúzilik azyq-túlik baǵdarlamasynyń úsh qyzmetkeri Darfýr provıntsııasynda qaza tapty, dep habarlaıdy AFP.
Dúısenbi kúni tańerteń armııa bas shtabynyń qaqpasy aldynda qaqtyǵys boldy, bul - RSF baqylaýǵa alýǵa tyrysyp jatqan negizgi armııa nysany.
Bul ǵımaratty basyp alý is júzinde Sýdan armııasynyń ózin basyp alǵanmen birdeı.
BUU Qaýipsizdik keńesi taraptardy oq atýdy toqtatýǵa shaqyrdy.
Keshke BUU taraptardyń gýmanıtarlyq evakýatsııa úshin úsh saǵattyq gýmanıtarlyq bitimge keliskenin habarlady.
Elge qatynaıtyn halyqaralyq áýe kompanııalary reısterdi toqtatty. Sýdan memlekettik telearnasy habar taratpaı tur.
