Sýdandaǵy qaqtyǵystan qaza tapqandar sany 270 adamǵa jetti
AMMAN. QazAqparat – Sýdandaǵy qaqtyǵys besinshi kún júrip jatyr. Sýdan densaýlyq saqtaý mınıstrligi Dúnıejúzilik densaýlyq saqtaý uıymyna (DDSU) qaqtyǵys kezinde 270 adamnyń qaza tapqanyn jáne 2600-den astam adamnyń jaraqat alǵanyn málimdedi, dep habarlaıdy QazAqparat tilshisi DDSU bas dırektory Tedros Gebreıesýstyń málimdemesine silteme jasap.
Sýdandaǵy qaqtyǵys besinshi kún jalǵasyp jatyr. Halyqaralyq qoǵamdastyqtyń arqasynda jasalǵan 24 saǵattyq bitim birneshe mınýtqa ǵana jalǵasty.Qaqtyǵys taraptary - Sýdan armııasy men Jedel qoldaý kúshteriniń áskerılendirilgen toby eldegi mańyzdy núkteler úshin soǵysyp, oq atýdy toqtatý rejımin buzǵany úshin bir-birin kinálap jatyr.
El astanasy Hartýmǵa áýe jáne artıllerııalyq shabýyl jasalýda. Áýejaı jabyldy. Kóshelerde jarylys estilip jatyr.
