Sýdandaǵy qaqtyǵys: Taraptar kelissóz ústeline otyrdy
ASTANA. QazAqparat – Sýdan áskeri ókilderi men Jedel áreket etý kúshteri Djıddada kelissózdi bastady, dep habarlaıdy QazAqparat Euronews agenttigine silteme jasap.
Dıalogty Er-Rııad pen Vashıngton júrgizýge tyrysyp jatyr.
Buǵan deıin olar atysty toqtatýǵa shaqyryp, bitimge keltirgen. Biraq taraptar birneshe ret kelisimdi buzdy.
Sýdan áskeri jetekshileri men Jedel áreket etý kúshteri bir-birimen kelisimge kelmeıtinin málimdegen.
Taraptar qıyndap bara jatqan gýmanıtarlyq jaǵdaıdy talqylaýǵa ǵana kelisti.
«Biz kúnine úsh aýysymmen jumys isteımiz, jedel járdem kóliginen bastap aýrýhanaǵa jetkizetin kólikke deıin qajettiniń bárin usynamyz. Zardap shekkender kóp», - deıdi Qyzyl Jarty aı nusqaýshysy Muhamed Ibragım Muhamed.
Áskerı qolbasshylyq pen Jedel áreket etý kúshteri áskerı toby arasyndaǵy janjal sáýirdiń ortasynda qarýly qaqtyǵysqa ulasty.
Dárigerler kásipodaǵynyń málimeti boıynsha, qaqtyǵys saldarynan 400-den astam beıbit turǵyn óltirilgen.
