Sýdandaǵy gýmanıtarlyq bitim taǵy 3 kúnge sozyldy
HARTÝM. QazAqparat – Halyqaralyq deldaldardyń kúshimen qarsylas áskerı qurylymdar atysty toqtatý rejımin uzartatynyn jarııalady. Buǵan deıin ol ishinara ǵana saqtalǵan edi. Sýdandaǵy qaqtyǵystan júzdegen adam qaza boldy. Bul týraly QazAqparat Euronews-ke silteme jasap habarlaıdy.
Sýdan armııasy men «Jedel qoldaý kúshteri» (RSF) áskerılendirilgen qurylymy beısenbide tún ortasynda aıaqtalatyn atysty toqtatý rejımin taǵy 72 saǵatqa uzartýǵa kelisti.
Buǵan Sýdan – AQSh, Saýd Arabııasy, Ulybrıtanııa jáne Birikken Arab Ámirlikteri, sondaı-aq BUU jáne Afrıka aımaqtyq uıymdary boıynsha «kvartet» ókilderimen júrgizilgen kelissózder áser etti. Deldaldar uzaǵyraq bitim ornatý úshin «taraptardyń dıalogke daıyndyǵyn» quptaıdy, sondaı-aq muqtaj jandarǵa kómek kórsetý úshin «kedergisiz gýmanıtarlyq qol jetimdilikti» qamtamasyz etýge shaqyrady.
Hartýmdaǵy aýdandarda atys jalǵasyp jatqany, Chadpen shektesetin Darfýr óńirinde eskalatsııa týraly habarlandy.
Taıaýda Egıpet SІM qaqtyǵys bastalǵaly respýblıkanyń 14 myń sýdandyqty qabyldaǵanyn málimdedi.
Eske salaıyq, 15 sáýirde Sýdannyń Ulttyq qorǵanys kúshteri men Jedel áreket etý kúshteri arasynda qarýly qaqtyǵys bastalǵan bolatyn.
