Sýdandaǵy laı kóshkini saldarynan myńǵa jýyq adam qaza tapty

ASTANA. KAZINFORM – Sýdannyń batysyndaǵy Darfýr aımaǵynda bolǵan laı kóshkini saldarynan keminde 1000 adam qaza tapty, dep habarlaıdy Reuters.

«Sýdandy azat etý qozǵalysy/armııasy» (Sudan Liberation Movement/Army) taratqan málimetke sáıkes, 31 tamyzda Marra taýlaryndaǵy Tarasın aýylynda birneshe kúndik nóserden keıin jer opyrylyp, eldi mekendi túgeldeı qıratqan. Qozǵalys ókilderi BUU men halyqaralyq gýmanıtarlyq uıymdarǵa qaza tapqandardyń denelerin shyǵaryp, kómek kórsetý jóninde júgingen.

Uıymnyń dereginshe, apattan keıin aýyldyń tek bir turǵyny aman qalǵan.

Darfýrdyń ózge aýdandarynan áskerı qaqtyǵystardan qashqan turǵyndar azyq-túlik pen dári-dármek tapshylyǵyna qaramastan, Marra taýlaryna qonys aýdarǵan edi.

Sýdan armııasy men Jyldam áreket etý kúshteri (RSF) arasyndaǵy qaqtyǵys jalǵasyp jatqan tusta, aımaqtaǵy gýmanıtarlyq jaǵdaı kúrdeli kúıinde qalyp otyr.

Gýbernator Mınnı Mınnavı laı kóshkinin «gýmanıtarlyq tragedııa» dep atady.

Aıta keteıik, DDU Sýdandaǵy balalarǵa asharshylyq qateri týyp turǵanyn eskertti.