Sýdanda Reseı elshisi óli kúıinde tabyldy
ASTANA. QazAqparat - Sýdandaǵy Reseı elshisi Mırgaıas Shırınskıı sársenbi kúni ómirden ótti. Bul týraly TASS habarlady.
«23 tamyz kúni Hartýmda Reseı elshisi Mırgaıas Shırınskııdiń ómirden ozǵanyn qaıǵyra habarlaımyz. Ondaǵy RF elshiligi qyzmetkerlerinen elshiniń ólimi týraly tolyqqandy aqparat alysymen naqty habar taratatyn bolamyz», - delingen agenttike berilgen RF SІM Aqparat jáne baspa departamentiniń habarlamasynda.
Sýdandaǵy RF elshiliginiń baspasóz hatshysy Sergeı Konıashın «Rossııa 24» telearnasynan habarlaǵandaı, elshiniń denesi tabylǵanda odan júrek talmasynan qaıtys bolý sıpattary baıqalǵan. Dereý dárigerler shaqyrtylǵanymen, elshini qutqaryp qalý múmkin bolmaǵan.
Mırgaıas Shırınskıı 1954 jyly týǵan. 1991-1993 jyldary Iemendegi RF elshiliginde keńesshi-elshi, 1993-1996 jyldary Djıdda qalasynda (Saýd Arabııasy) Reseıdiń Bas konsýly qyzmetin atqarǵan. 2006-2013 jyldary ol Rýandada elshi boldy. 2013 jyldyń sońyna qaraı Sýdandaǵy elshi qyzmetine taǵaıyndalǵan.
