Somalıde mıllıondaǵan adam ashtyqtyń zardabyn tartyp otyr
ASTANA. KAZINFORM - Somalıde 6,5 mıllıonnan astam adam kún saıyn azyq-túlik tapshylyǵyn bastan ótkerip otyr. Úsh maýsym qatarynan jalǵasqan qurǵaqshylyq mal qyrylyp, eginniń joıylýyna ákelip, halyqty negizgi tabys kózinen aıyrdy AlJazeera.
Ásirese balalardyń jaǵdaıy kúrdeli. Elde 1,8 mıllıon ashtyqtyń zardabyn tartyp otyr. Sonymen qatar shamamen 3,8 mıllıon adam bosqynǵa aınalyp, shamadan tys toly lagerler arasynda kóship-qonýǵa májbúr.
Tabıǵı apattarmen qatar qarýly qaqtyǵystar men jahandyq ekonomıkalyq daǵdarys ahýaldy ýshyqtyra túsken. Azyq-túlik pen janarmaı baǵasy kúrt ósip, gýmanıtarlyq kómekti jetkizý is júzinde qıyndaǵan.
Kómek kólemi de aıtarlyqtaı qysqarǵan. Birikken Ulttar Uıymynyń jospary nebári 20 paıyzǵa ǵana qarjylandyrylǵan, al jalpy qoldaý kólemi 75 paıyzǵa tómendegen. Sonyń saldarynan júzdegen medıtsınalyq ortalyq jumysyn toqtatqan.
Osyǵan deıin Sýdanda gýmanıtarlyq jaǵdaı qıyndap bara jatqany týraly jazdyq.
