Sýdanda kólik apatynan 19 adam qaza tapty
ASTANA. QazAqparat - Sýdanda oryn alǵan jol-kólik oqıǵasy saldarynan 19 adam qaza taýyp, 12 adam zardap shekti. Bul týraly búgin SÝNA aqparattyq agenttigi habarlady.
Onyń derekterine súıensek, oqıǵa jeksenbide el astanasy - Hartýmadan 240 shaqyrym jerde oryn aldy. Belgisiz sebeppen adam tasymaldap kele jatqan eki júk kóligi soqtyǵysqan.
«13 er adam, eki bala, tórt áıel oqıǵa qurbany boldy», - dep habarlady jergilikti aýrýhana ókili Ahmed Abdın.
Sýdanda iri jol apaty jıi oryn alady. Oǵan kóbine júrgizýshilerdiń jol qozǵalysy qaǵıdasyn buzýy, jol sapasyzdyǵy, kólik quraldarynyń aqaýy sebep bolady. Sonymen, 2014 jyly 2 myń adam apat qurbanyna aınalsa, taǵy 5 myń adam zardap shekken.
