Sýdanda djınsy kıgeni úshin stýdent qyzdy qamshymen sabady
ASTANA. QazAqparat - Sýdan elindegi Hartým qalasynyń soty 19 jastaǵy Fartos Ál-Týmdy djınsy shalbaryn kıgeni úshin qamshymen 20 ret sabaý jazasyna kesti.
Onyń qorǵaýshysynyń aıtýynsha, boıjetken 25 maýsymda jergilikti shirkeýge jaqyn jerde ustalǵan. Zańǵa súıengen sýdıa osyndaı kıim kııý ádepke jatpaıdy degen sheshim shyǵardy.
Budan basqa, Ál-Týmǵa 500 sýdan fýnty (shamamen 82 dollar) kóleminde aıyppul tóleýine týra keledi.
Ál-Týmǵa qoldaý bildirý úshin Amnesty International quqyq qorǵaýshylary ǵalamtorda Sýdan bıligine arnaǵan úndeýdiń astyna adamdardyń qoldaryn jınaı bastady. Qazirgi kezde petıtsııaǵa 40 myńnan astam adam qol qoıǵan.
