Sýdanda denge bezgeginen 26 adam qaıtys boldy

HARTÝM. SINЬHÝA-QazAqparat – Sýdannyń densaýlyq saqtaý organdary sársenbide denge indetiniń órshýinen 26 adam qaıtys bolǵanyn málim etti, dep habarlaıdy QazAqparat Sınhýa agenttigine silteme jasap.

Sýdan Densaýlyq saqtaý mınıstrliginiń Densaýlyq saqtaý jáne epıdemııalyq baqylaý jónindegi tótenshe jaǵdaılar basqarmasynyń basshysy Montasır Muhammed Osman toǵyz shtatta 26 ólim, denge indetiniń 462 rastalǵan jáne 3439 boljamdy jaǵdaıy tirkelgenin aıtty.

Aýyrǵandardyń kóbi Soltústik Kordofan, Batys Kordofan jáne Soltústik Darfýrda kezdesedi.

Mınıstrlik Shtattardaǵy indetpen kúresý úshin arnaıy toptar jiberýdi, sondaı-aq adamdardy dári-dármekpen jáne donorlyq qanmen qamtamasyz etýdi, kúndelikti monıtorıng pen tergeýdi júzege asyrýdy, ınfektsııalar men boljamdy jaǵdaılar týraly habarlamalar berý úshin baılanys nómirin qurýmen qosa basqa da qajetti sharalardy qabyldady, dep qosty ol.

BUU qazan aıynan beri Sýdanda denge bezgeginiń 1068 jaǵdaıy tirkelgenin habarlady.

Foto: reuters.com