Sýdanda BUU-nyń eki bitimgeri qaza boldy

ASTANA. 30 jeltoqsan. QazAqparat - Sýdannyń Darfýr shtatynda BUU men Afrıka odaǵynyń birlesken mıssııasynyń kolonnasyna (ıÝNAMID) jaýyngerler shabýyldady, saldarynan Iordanııa men Senegaladan eki bitimger qurban boldy.

Birikken ulttar uıymy bas hatshysynyń resmı ókili Martın Nesırkıdiń sózine qaraǵanda, atalǵan jaǵdaı Greıda qalasynyń mańynda bolǵan. Shabýyldaýshylardyń ózderi de zardap shekti. ıÝNAMID áskerıleri olarǵa qarsy oq ashty, sodyrlardyń biri qaza tapty, taǵy bireýi jaraqattandy, dep habarlady ITAR-TASS.

Nesırkıdiń málimdeýinshe, BUU-nyń ákimshilik basshysy qaza bolǵan bitimgerlerdiń otbasylaryna kóńil aıtty. «Bas hatshy bul shabýyldy qatty synǵa aldy jáne Sýdan bıligi jedel túrde ıÝNAMID-ke shabýyl jasaǵandardy jaýapkershilikke tartady degen úmitte», - dep jazylǵan habarlamada.