Sýdanda altyn kenishindegi apat 40 adamnyń ómirin qıyp ketti
KAIR. QazAqparat – Sýdanda altyn kenishindegi apat saldarynan 40-tan astam adam qaza tapty. Bul derekti sársenbi kúni Al Arabiya telearnasy keltirdi, dep habarlaıdy QazAqparat.
Telearnanyń aqparatyna sáıkes, qazirgi kezde qutqarýshylar aman qalǵandardy tabý maqsatynda izdeý jumystaryn jalǵastyryp jatyr. Buǵan deıin ken ornynda 46 adam bolǵany týraly habarlanǵan.
Jeksenbi kúni Batys Kordofan shtatyndaǵy En-Nýhýd aýdanyndaǵy Ýmm-Darsaıa jeke menshik altyn kenishinde apat bolǵan. Birden birneshe uńǵyma opyrylyp túsken, saldarynan jerdiń astynda bolǵan kenshiler joǵaryǵa shyǵa almaı qalǵan.
Bul qazba orny burynnan beri apatty dep sanalǵan. Qańtarda jynystardyń opyrylýynan tórt kenshi qaza taapqan edi. Budan buryn bılik kenishte jumys júrgizýge tyıym salyp, nysanǵa arnaıy kúzet qoıǵan. Alaıda shamamen eki aı buryn kúzet shahtadan ketken kezde jumysshylar qaıtadan kelip, zańsyz altyn óndirýdi jalǵastyrǵan.
