Sýdanda 16 myń qoı alyp bara jatqan keme sýǵa batty
NUR-SULTAN. QazAqparat – Sýdannyń Sýakın aılaǵynyń bıligi Qyzyl teńizge ekologııalyq qaýip tónip turǵanyn málim etti. Bul óte kóp mólsherde mal alyp bara jatqan kemeniń sýǵa ketýimen baılanysty bolyp otyr, dep habarlaıdy QazAqparat Bloomberg.com saıtyna silteme jasap.
Kemede Saýd Arabııasyna jetkizilýi tıis 15 800 qoı bar bolatyn. Alaıda shamadan tys aýyr salmaqty kótere almaǵan keme sý túbine ketti. Oqıǵa 11 maýsym kúni keshke boldy.
Jergilikti buqaralyq aqparat quraldarynyń keıbiriniń esebi boıynsha, maldan kelgen shyǵyn 4 mln dollardy qurap otyr. Kemeniń qýaty mundaı salmaqqa eseptelmegen. Áýelde kemeniń tek 9 myń bas maldy tasymaldaı alatyn aıtylǵan.
Sýakın aılaǵy Sýdannyń soltústik-shyǵysynda, Qyzyl teńizdiń jaǵasynda ornalasqan. Buryn ol Qyzyl teńizge jaǵalaýynda ornalasqan, osy óńirdegi eń basty aılaq bolatyn. Qazir ol soltústikke qaraı 60 km qashyqtyqta ornalasqan Sýdan aılaǵynan keıin, ekinshi mańyzdaǵy port.
