Sýdan: bitimge kelgenine qaramastan elde jarylys pen atys toqtar emes

ASTANA. QazAqparat – 2021 jyly áskerı tóńkeris uıymdastyrǵan eki general bılikke talasyp jatqan Sýdanda oq jaýdyrýdy toqtatý rejımi saqtalmaıdy, dep habarlaıdy QazAqparat Euronews agenttigine silteme jasap.

Sýdanda bitim uzartylǵanyna qaramastan, eldi basqarýǵa degen kúres toqtamaı jatyr. Ásirese, Hartým men Omdýrmanda, sondaı-aq apta bastalǵaly ondaǵan adam qaza tapqan Darfýr aýdanynda artıllerııa men avıatsııany qoldanǵan qaqtyǵystar jıiledi.

Astanalyq dárigerlerdiń biri Associated Press agenttigine sýdandyq medıtsına qyzmetkerleriniń chat-tobyndaǵy dybystyq habarlamany jibergen. Onda forma kımeýge jáne kóshede toqtatsa qyzmetin aıtpaýǵa shaqyrady, sebebi RSF áskerı qurylymy jaralanǵan sarbazdardy emdeý úshin medıtsına qyzmetkerlerin urlap áketip jatyr delingen.

Túrkııa evakýatsııalyq ushaqtarynyń biri Hartým aımaǵynda oq astynda qalǵanyn, biraq eshkim zardap shekpegenin habarlady.

Brıtan úkimeti azamattaryn Sýdannan Kıprge jetkizý operatsııasyn aıaqtap qalǵanyn málimdedi.

Halyqaralyq uıym ókilderiniń sózinshe, elden júz myńdaǵan bosqyn ketip jatyr.