SÝDAǴY POLO: Qazaqstan qurama komandasy Álem birinshiliginde óziniń alǵashqy oıynynda ıtalııalyqtarǵa ese jiberip aldy (FOTO)
ALMATY. QazAqparat - Almatyda «Rakhat Fitness» sport kesheninde sýdaǵy polodan jasóspirimder arasynda (20 jasqa deıingiler) ótip jatqan Álem birinshiliginde Qazaqstan qurama komandasy asa tartysty ótken alǵashqy oıynda Italııa quramasyna ese jiberip aldy. Esep 9:16.
Birinshi kezeńde otandastarymyz jankúıerlerdiń qyzý qoldaýymen alǵa umtylyp, 2:4 esebimen alǵa shyqty. Degenmen, ekinshi kezeńde tájirıbeli ıtalıandyqtar 6:4 esebimen basym tústi. Úshinshi kezeńde qonaqtar qazaqstandyqtardyń jibergen qatelikterin utymdy paıdalanyp ketti. Esep 13:5. Tórtinshi sońǵy kezeńde Qazaqstan qurama komandasy jan aıamaı oınap, kezeńdi 3:4 esebimen aıaqtady. Biraq, bul árıne jeńiske jetýge az edi. Oıyn ıtalıalyqtardyń jeńisimen aıaqtaldy. Jalpy qorytyndy esep 16:9.
«Jalpy, oıynǵa meniń kóńilim toldy. Jigitter baryn saldy. Árıne jetildiretin jáıtter kóp. Biraq, jigitter áli de jeńisterge qol jetkizedi degen úmittemin», - dedi Qazaqstan ulttyq qurama komandasynyń bas jattyqtyrýshysy Sergeı Drozdov.
Aıta ketelik, otandastarymyz «D» tobynda óner kórsetedi. Munda Qazaqstanmen qatar, Italııa, Ispanııa, Kanada jáne Ózbekstan ulttyq qurama komandalary shoǵyrlanǵan.
Qalǵan oıyndar mynadaı eseptermen aıaqtaldy:
Chernogorııa - Mysyr 14:11;
Majarstan - Grekııa 17:9;
Nıderlandy - Qytaı 22:11;
Serbııa - Avstralııa 20:9;
Ózbekstan - Ispanııa 10:25 jáne
Italııa - Qazaqstan 16:9.
Álem chempıonaty 12-shi qyrkúıekte aıaqtalady.
