Sýdaǵy «Formýla-1» jarysy 5 jyl boıy Qapshaǵaıda ótedi
QONAEV. KAZINFORM — Álemge áıgili sýdaǵy «F1H2O» saıysy aldaǵy 5 jyl boıy Qapshaǵaı sý qoımasynda ótýi múmkin.
Oblys ákimdiginiń málimetinshe, halyqaralyq saıystyń uıymdastyrýshylary óńirge arnaıy kelgen. F1H2O uıymy, iHolding kompanııasy, Saýd Arabııasynan kelgen resmı delegatsııa ókilderi jáne Almaty oblysynyń ákimdigi 2027 jylǵy álem chempıonatyn Qonaev qalasynda ótkizý týraly kelisimge qol qoıdy.
Qazaqstan — bul álem chempıonatyn qabyldaıtyn altynshy memleket bolmaq. Jarysqa shetelden keminde 5 myń qonaq keledi dep kútiledi. Sondaı-aq boljam boıynsha 1 mıllıardqa jýyq kórermen jarysty tikeleı efırden tamashalaýǵa tıis.
KSA ProMediaPortal jáne F1H2O uıymdarynyń ókili ári basqarma tóraǵasy ıAsser Álı Ál-ıAmı qazirgi tańda chempıonatqa 11 memleket qatysatynyn aıtty. Bul talaby joǵary kúrdeli jarys bolǵandyqtan, munda arnaıy daıyndyqtan ótken komandalar ǵana baq synaı alady.
Eske salaıyq, «Formýla-1» Bahreın Gran-prıin Malaızııada ótkizedi.
