Sýda júzý adam aǵzasyn qartaıýdan saqtaıdy
ASTANA. QazAqparat - Basseın - býyny aýyratyn nemese basqa sporttan jaralanamyn dep seskenetinder úshin taptystyrmas oryn. Akva jattyǵýlar artyq salmaqtaǵy jáne tirek-qozǵaltqysh apparattarynyń aqaýy bar adamdar úshin tıimdi.
Sýda jerdiń tartylys kúshi azaıyp, býyndardyń júktemesi azaıady. Basseın qart adamdar úshin de keremet oryn sanalady. Bul tań qalatyn jaǵdaı emes. Eger sýǵa belge deıin túser bolsańyz tirek-qozǵaltqysh apparatynyń júktemesi eki esege azaıady.
Eger sýda boılasańyz, oǵan qarapaıym júktemeniń tórtten biri ǵana sarp etiledi. Al deneńiz tolyqtaı sýǵa ense, 10 paıyzdyq júktememen ǵana arpalysýǵa týra keledi. Jabyq basseınder sondaı-aq, demikpe aýrýyna shaldyqqan naýqastar úshin mańyzdy. Jyly ári ylǵaldy aýa ókpeniń jumysyn jaqsartady. Tipti, kásipqoı sportshylar alǵan jaraqattarynan keıin qaıta qalpyna kelý úshin basseınde jattyǵady.
Sý bulshyqetterdiń aýyrýyn azaıtyp, býyndardyń qozǵalysyn arttyrady. Adam neǵurlym sýda kóp ýaqytyn ótkizse, soǵurlym onyń aǵzasyna áseri de artady. Sondyqtan, jattyǵýlardy ár túrli muqtajdyqqa qoldanýǵa bolady.
2004 jyly Indıana ýnıversıteti zertteý jumystaryn júrgizip, kóp ýaqyttan beri aptasyna tórt ret basseınde júzip kelgen 40 jastan asqan júzgishterdiń qartaıý belgileriniń azaıǵandyǵyn dáleldedi.
Buǵan qosa ardager júzgishterdiń qan qysymdary men qan quramyndaǵy holesterın mólsheri qalypty jaǵdaıda bolǵan. Bir qyzyǵy, ókpeleriniń jumysy jaqsaryp, basqa qarapaıym adamdarmen salystyrǵanda bulshyqet kóleminiń óskendigin baıqaǵan.
Eger basseındegi sý hlormen tazalanatyn bolsa, al onyń keri áseri aýany lastap, ókpege zııanyn tıgizedi. El eger siz allergııalyq reaktsııaǵa dýshar bolsańyz, hlor sizdiń terińiz ben kózińizdiń titirkendiredi.
Basseındegi sýdy tazartý úshin kóptegen qaýipsiz, ıissiz, dámsiz jáne keri áseri joq zamanaýı qurylǵylar qoldanylady. Sondyqtan ózińizdi júzýge tolyqtaı beıimdegińiz kelse, onda aldyn-ala jaqsy sýy bar keremet basseındi tapqanyńyz abzal.
Kerek keńes confederation.kz saıtynan alyndy.
