Sýda mert bolǵandar arasynda bes jasqa tolmaǵan balalar kóp
ASTANA. QazAqparat - Jyl basynan beri elimizdiń sý aıdyndarynda 300 adam qaza tapty, onyń ishinde bes jasqa tolmaǵan balalar kóp, dep habarlaıdy QazAqparat tilshisi.
Bul týraly QR Іshki ister mınıstriniń orynbasary ıÝrıı Ilın shomylý maýsymynyń qorytyndysy barysynda málimdedi.
«Jyl basynan beri sý aıdyndarynda 300 adam mert boldy, onyń ishinde 90 bala bar. Ókinishke qaraı, sýda mert bolǵandar arasynda bes jasqa tolmaǵan balalar kóp. Ata-ana qaraýynsyz qalǵan eki nemese úsh jasar balalardyń jeke aýmaqta qaza bolý jaǵdaılary jıi kezdesti», - dedi ıÝ. Ilın Ortalyq kommýnıkatsııalar ortalyǵynda ótken baspasóz máslıhatynda.
Degenmen, vıtse-mınıstrdiń aıtýynsha, sýdaǵy oqys oqıǵalardyń aldyn alý jumystary óz nátıjesin bergen.
«Ótken jyly 390 adam (126 bala) mert bolǵan edi. ıAǵnı, biz júrgizip otyrǵan aldyn alý jumystary oqys jaǵdaılar men adam shyǵynynyń azaıýyna septigin tıgizdi. Sýda mert bolý oqıǵalarynyń basym bóligi Almaty oblysynda tirkeldi, degenmen bıylǵy kórsetkish byltyrǵymen salystyrǵanda azaıǵan. Batys Qazaqstan (+9 adam) jáne Pavlodar (+7) oblystarynda sýǵa ketkender sany kóbeıgen», - dep atap ótti ol.
Sýda qaza tabýdyń negizi sebepteri - óz kúshin tolyq baǵamdamaý, qatty aǵysqa tótep bere almaý jáne aıaq-qoldyń qurysýy bolyp otyr. Dál osy sebeptermen 221 adam kóz jumdy, onyń ishinde 51 bala bar.
Balyq aýlap júrip, qaýipsizdik erejesin saqtamaǵan 25 adam mert bolǵan, onyń ekeýi - bala. Ata-ana qaraýynsyz qalǵan 21 bala sýǵa ketken. Alkogoldi ishimdik iship, sýǵa túsken eki myńǵa jýyq adam jaýapqa tartyldy, odan bólek 8 adam masań kúıinde shomylam dep ajal qushqan.
«Alty adam, onyń ishinde bir bala sýǵa batqandardy qutqaramyn dep kóz jumǵan. Árıne, erlikke balaıtyn áreket, biraq bul da óz kúshin tolyq baǵalamaý bolyp sanalady. Kelesi shomylý maýsymynda BAQ arqyly qoǵamdyq qozǵalystar men ata-analardy ázirleýge kúsh salamyz», - dep óz sózin túıindedi ıÝ. Ilın.
