Sýda bosaný áıel densaýlyǵyna zııan tıgizýi múmkin - ǵalymdar
ASTANA. QazAqparat - Batysta sýda bosaný sánge aınala bastady. Dástúrli tásilge qaraǵanda, sýda bosanǵan áıelderdiń tolǵaǵy jeńil bolady deıdi mamandar. Bul rette jańa tásildi jaqtaýshylar bul anaǵa da, balaǵa da qaýipsiz dep qoshtaýda.
Sondyqtan da kóptegen áıelder jańa tásildi qoldana bastady. Alaıda ǵalymdar munyń shynymen de qaýipsiz ekenin anyqtaýdy sheshti. Bul úshin olar «dástúrli» jáne «sýda» bosanǵan áıelderdi, týǵan nárestelerdiń medıtsınalyq kartasyn salystyrdy. Mamandar shynymen de balalardan eshbir aıyrmashylyq tappady.
Al analarda bári jaqsy bolyp shyqpady. Zertteýshiler sýda bosanǵan áıelderdiń jynys joldarynyń jumsaq ulpalary jyrtylǵan jaǵdaı jıi kezdeskenin baıqaǵan. Amerıkalyq akýsherler qaýymdastyǵy mundaı tujyrymmen úzildi-kesildi keliskisi kelmeıdi. Olar belsendi jarnamalanyp kele jatqan sýda bosaný tásiliniń qaýipsizdigine senimdi, dep jazady planet-today.ru.
