Sýdıanyń jańa róli sheneýnikterdi tártipke salady – Joǵarǵy sot
«Azamattar sotqa ádil sheshim izdep keledi. Alaıda sýdıa azamattyq protseste taraptardyń ustanymymen shekteledi, bul oǵan is boıynsha «obektıvti shyndyqty» anyqtaýǵa múmkindik bermeıdi. Ákimshilik protsestiń basty ereksheligi - sýdıanyń belsendi róli. Osy qaǵıdany basshylyqqa ala otyryp, sot mindetti túrde ákimshilik organnyń sheshimin tekserýge; eger taraptar usynǵan dáleldemeler jetkiliksiz bolsa, istiń barlyq mán-jaıyn zertteýge; talap-aryzda jiberilgen formaldy qatelerdi joıýǵa; talap-aryzdyń mazmunyn tolyq anyqtap onyń saldaryn túsindirýge; is boıynsha aldyn ala pikir aıtýǵa mindetti», - dep túsindirdi A. Qydyrbaeva Parlament Májilisinde Ákimshilik rásimdik-protsestik kodeks jobasynyń tanystyrylymy barysynda.
Osy oraıda ol daýdy sotta qaraý kezinde ákimshilik organnyń «kinálilik prezýmptsııasy» bekitiledi. Dáleldeý aýyrtpalyǵy sheshim qabyldaǵan organǵa júkteletin bolady.
«Sýdıanyń jańa róli sheneýnikterdiń minez-qulqyn tártipke salady, azamattardyń quqyqtaryn qorǵaý úshin qolaıly jaǵdaı jasaıdy», - dedi Aıgúl Qydyrbaeva.
