Sýdıany atyp ketti
ASTANA. QazAqparat - Tergeýshiler Saratov oblysy Engels aýdandyq sotynyń sýdıasynyń ólimi deregi boıynsha qylmystyq is qozǵady. Er adamdy atyp ketken, dep habarlaıdy TASS agenttigi óńirlik Tergeý komıtetiniń tergeý basqarmasyna silteme jasap.
«RF QK-niń 105-baby, 1-bóligi («Adam óltirý») boıynsha qylmystyq is qozǵaldy. Tergeý málimetterine sáıkes, sýdıa oq tıip, kóz jumǵan. Atalmysh qylmysqa kúdikti azamat ustaldy», - dedi agenttikke suhbat berýshi.
TASS agenttigine quqyqqorǵaý organdarynyń ókili málim etkendeı, qaza tapqan azamat Rınat Kýdashev bolyp shyqty. Jergilikti BAQ onyń 2015 jyldyń qańtar aıynan sýdıa bolyp qyzmet etkenin jarııalady. Aldyn ala berilgen aqparatqa sáıkes, sýdıany óltirýge týystarymen arada týyndaǵan janjal sebep bolýy múmkin.
