Sýdıalyq kadrlar álsiz bolsa, sýper zańdar bizge kómektespeıdi - Jaqyp Asanov
"Qazirgi kezde "Sot ádildigi qashan naqty ádiletti bolady?", "Sottarda sybaılas jemqorlyq qashan joıylady?", "Sottardan biliksiz sýdıalar qashan ketedi" dep bizden surap jatady. Prezıdent myrza, 2020 jyl bizdegi sot ádildiginiń sapaly serpilisiniń bastaýy bolatynyna senimdimiz. Bul senimdilik qandaı tujyrymǵa negizdelgen? Mańyzdy alǵysharttardy 2018 jyly Elbasy qalaǵan bolatyn", - dedi Jaqyp Asanov.
Sonymen qatar Joǵarǵy sot tóraǵasy QR Prezıdenti Qasym-Jomart Toqaevtyń saılaýaldy tuǵyrnamasynyń da mańyzdy yqpaly bar ekenin atap ótti.
"Ótken 1,5 jylda barlyq kúsh-jiger men resýrstardy ondaǵan qanatqaqty jobalar men 17 zańdaǵy túzetýlerge baǵyttadyq. Qazirgi kezde bul jumys joǵary qarqyn alyp otyr. Alaıda túbegeıli ózgerister ýaqytty talap etedi. Obektıvti shekteýler men sýdıalardyń táýelsizdigi, sot tóraǵalarynyń táýelsizdigi bar. Sottarda basqarý men sheshimderdi qabyldaý júıesi basqa qurylymdardan túbegeıli ózgeshe. Kez kelgen memorganda ózgerister birinshi basshynyń buıryǵymen oryn alady. Sýdıalarda basshysy bolmaıdy, árqaısysy sheshimdi ózi shyǵarady. Sondyqtan sottardyń adamı kapıtalyn damytý - bul sot reformasynyń negizi. Eger de sýdıalyq kardrlar álsiz bolsa, onda eshqandaı sýper zańdar bizge kómektespeıdi. Bul problemany qalaı sheshý kerek? Onyń jaýaby ońaı, ıaǵnı sýdıa mamandyǵyn tartymdy etý kerek", - dedi Jaqyp Asanov.
Osy oraıda ol eńbekaqynyń tómendigi, jumystaǵy shekten tys júkteme, sýdıalardy irikteýdegi kemshilikter bul salaǵa bilikti mamandardyń tartylýyna kedergi bolǵanyn atap ótti.
