Sýdıalarǵa qatysty qylmystyq ister qozǵaldy
ASTANA. 5 jeltoqsan. QazAqparat - Qarjy polıtsııasy agenttiginiń qyzmetkerleri jedel-izdestirý sharalarynyń nátıjesinde Astana qalasynyń Mamandanǵan aýdanaralyq ekonomıkalyq sotynyń sýdıasy A.Kenjaevtyń azamattyq is boıynsha jaǵymdy sheshim shyǵarý úshin kásipkerden 750 myń teńge kóleminde para alý faktisin bekitkendigin habarlaǵan bolatynbyz.
Jedel-izdestirý materıaldary Agenttikpen protsessýaldyq sheshim qabyldaý úshin QR Bas Prokýratýrasyna joldandy.
2013 jylǵy 12 qarashada QR Bas Prokýrory Astana qalasynyń Mamandanǵan aýdanaralyq ekonomıkalyq sotynyń sýdıasy A.Kenjaevqa qatysty para alý faktisi boıynsha qylmystyq is qozǵady.
Oǵan qosa, aǵymdaǵy jylǵy 14 qarashada Qyzylorda oblysy boıynsha Qarjy polıtsııasy departamenti qyzmetkerlerimen júrgizilgen jedel-izdestirý sharalary materıaldarynyń negizinde QR Bas Prokýrory Qyzylorda oblysy Aral aýdandyq sotynyń sýdıasy Jambylbaevqa qatysty qylmystyq is qozǵady.
Oǵan 2013 jylǵy 24 qazanda T. degen azamattan onyń paıdasyna azamattyq is boıynsha sheshim shyǵarý úshin 100 myń teńge kóleminde para aldy degen kúdik taǵylýda.
Qylmystyq ister tergelýde, dep habarlady Qarjy polıtsııasy agenttiginiń baspasóz qyzmetinen.
