Sýdıalarǵa aqparattyq qysym kún ótken saıyn artyp keledi - Joǵarǵy sot
«Bul, búgingi kún tártibindegi óte ózekti másele. Ony Prezıdenttiń óz aýyzynan estigenimizge qýanyshtymyz. Shyn máninde, sýdıalarǵa aqparattyq qysym kún ótken saıyn kóbeıip keledi. Ásirese, zańdy bilmeıtin, «túımedeıdi túıedeı qylatyn» blogerler tarapynan bar. Ókinishke oraı, keıbir kásibı advokattardyń ózi sot úkimi shyqpaı, protsess aıaqtalmaı jatyp sheshimderin halyqqa tańyp jatady. Sýdıaniki durys dep shyǵatyndardy da baıqap otyrmyz. Árıne, munyń bári zańǵa qaıshy», - dedi ol búgin Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, elimizdiń Konstıtýtsııasynda naqty isterdi qaraý kezinde sýdıa táýelsiz jáne oǵan eshkimniń quqyǵy joq ekendigi jazylǵan.
«Mundaı aralasý bolǵan jaǵdaıda zańymyzda shara qoldanylatyndyǵy kórsetilgen. Biraq, bul zań ázirge álsiz bolyp turǵan sııaqty. Azamattardyń sóz bostandyǵyn jaqsy túsinemiz. Alaıda, sóz bostandyǵyn jeleý qylyp, sýdıalardyń táýelsizdigine qol suǵýǵa bolmaıdy», - dedi Aıdos Sádýaqasov.
QR sýdıalarynyń VIII sezinde Memleket basshysy Qasym-Jomart Toqaev sýdıalar buqaralyq aqparat quraldary tarapynan jıi qysymǵa ushyraıtyndyǵyn aıtqan edi.
