Sýdıalardy tártiptik jaýapqa tartý merzimi uzartylady
NUR-SULTAN. QazAqparat – Sýdıalardy tártiptik jaýaptylyqqa tartýdyń eskirý merzimderi uzartylýy múmkin. QR Pralamenti Májilisiniń jalpy otyrysynda «QR sot júıesi men sýdıalarynyń mártebesi týraly» Konstıtýtsııalyq zańǵa ózgerister men tolyqtyrýlar engizý týraly» Konstıtýtsııalyq zań jobasyn tanystyrǵan Májilis depýtaty Názılá Razzaq osyndaı málimet aıtty, dep habarlaıdy QazAqparat tilshisi.
«Taǵy bir baǵyt kadrlarǵa baılanysty. Prezıdent sot júıesine kásibı mamandardy tartý týraly naqty tapsyrma berdi. Osyǵan oraı, zań jobasynda mynadaı usynystar kózdeledi.
Birinshi – quqyq salasyndaǵy negizgi baǵyttar boıynsha mamandandyrylǵan sýdıa laýazymyna úmitkerlerge arnalǵan mamandandyrylǵan biliktilik emtıhanyn engizý.
Ekinshi – biliktilik emtıhanyna qaıta jiberý merzimin 6 aıdan 3 aıǵa deıin qysqartý.
Úshinshi – basqa sottarǵa kandıdattardy irikteý kezinde quramy az jáne shalǵaıdaǵy sottarda keminde 5 jyl jumys istegen sýdıalar úshin basymdyq belgileý», - degen Májilis ókili zań jobasnyda Joǵarǵy sot keńesiniń músheleriniń aılyǵyn Joǵarǵy sot sýdıasynyń eńbekqaysymen teńestirý de usynylyp otyrǵanyn atady.
«Tórtinshi – sýdıalardy tártiptik jaýaptylyqqa tartýdyń eskirý merzimderi zańsyz áreket jasalǵan kúnnen bastap 1 jyldan 2 jylǵa deıin, al anyqtalǵan kúnnen bastap 3 aıdan 1 jylǵa deıin ulǵaıtý.
Besinshi – Joǵarǵy sot keńesiniń turaqty múshelerine Joǵarǵy sot sýdıasynyń jalaqysy mólsherinde jalaqy belgileý usynylady», - dedi Názılá Razzaq.
