Sýdıalardy ómirboıǵy qoldaý júıesin engizý mańyzdy - B. Beknazarov
TANA. 28 shilde. QazAqparat /Qanat Mámetqazyuly/ - Sýdıalardy ómirboıǵy qoldaý júıesin engizý mańyzdy. Bul týraly búgin QR Joǵarǵy sotynyń tóraǵasy Bektas Beknazarov jýrnalıstermen resmı baspasóz máslıhatyn ótkizý barysynda málim etti.
Joǵarǵy sot tóraǵasynyń aıtýynsha, búgingi kúni elimizde zeınetkerlik jastaǵy 39 sýdıa qyzmet etip keledi. «Árıne, zeınet jasqa tolǵan tájirıbeli sýdıalardy birden demalysqa jiberý týraly másele týyndamaý kerek dep oılaımyn. Degenmen de birqatar órkenıetti elderdegi sekildi sýdıalardy ómir boıy memleket esebinen qamtamasyz etý máselesi ózekti. Sondyqtan da, adal nıetpen el úshin eńbek sińirgen sýdıalar, zeınetkerlik jasqa jetip, demalysqa shyqqannan soń ómirboıǵy memlekettik qoldaýmen qamtamasyz etilýi shart. Kóptegen órkenıetti elderdegi sekildi bizdiń Qazaqstanda da osyndaı másele sheshimin tabýy tıis dep esepteımin», dedi B. Beknazarov.
