Sýdıalar sot tóreligin júzege asyrý kezinde sot basshylyǵy tarapynan esh qysymǵa ushyramaı jumys isteıtin bolady
ASTANA. 18 qańtar. QazAqparat /Qanat Mámetqazyuly/ - Sot júıesindegi jańa zań sýdıalardyń táýelsizdigin nyǵaıtyp, olardy sot tóraǵalarynyń tarapynan bolatyn usaq-túıekke aralasýshylyqtardan qutqarady.
Búgin QR Parlamenti Senatynyń jalpy otyrysynda elimizdegi sot júıesin jańǵyrtýǵa baǵyttalǵan zań jobalaryn talqylaý barysynda QR Joǵarǵy Sotynyń Tóraǵasy Bektas Beknazarov osylaı málim etti.
Esterińizge sala keteıik, atalǵan zańǵa sottardyń qyzmetin kadrlyq, qarjylyq jáne uıymdastyrýshylyq jaǵynan qamtamasyz etýdi odan ári jetildirý máseleleri boıynsha eleýli ózgerister men tolyqtyrýlar engizilgen bolatyn. Bul rette QR Joǵarǵy Sotynyń Tóraǵasy Bektas Beknazarov: « Joǵarǵy Sot keńesi kadrlardyń kásibı daıarlyǵyn tekserýdi, sýdıalyqqa kandıdattardyń adamgershilik beınesiniń jarasymdylyǵyn ári atqaratyn qyzmetine laıyq bolýdy qadaǵalaýdy óz moınyna alýy tıis. Al sýdıalyq ózin-ózi basqarý organy, sot qazysy sýdıalardyń tártiptik jaýapkershilik máselelerimen aınalysatyn bolady», - dep atap ótken bolatyn. Onyń aıtýynsha, zań sýdıalardyń ókildikteri anaǵurlym keńeıtýge arnalady. Bul sýdıalardyń táýelsizdigin nyǵaıtyp, olardy sot tóraǵalarynyń tarapynan bolatyn usaq-túıekke aralasýshylyqtardan qutqarady. «Mine, osylaısha sýdıalar sot tóreligin júzege asyrý kezinde sot basshylyǵy tarapynan esh qysymǵa ushyramaı jumys isteıtin bolady. Qabyldanǵan zań osyǵan naqty múmkindik beredi degen senimdemiz», - deıdi B. Beknazarov.
Onyń aıtýynsha, oblystyq sot tóraǵalaryna kassatsııalyq sot alqasyn basqarýdy júkteý oblystaǵy sot tájirıbesiniń durys qalyptasýyna tikeleı mindettep, kassatsııada qaralǵan árbir zańsyz sot aktisine onyń jaýapkershiligin arttyrady.
«Jalpy zańdy ázirlegende qoldanystaǵy zańnamanyń artyqshylyqtaryn saqtap, kemshilikterin tolyqtyrýǵa basa nazar aýdaryldy. Máselen, kassatsııalyq jáne qadaǵalaý satylarynda isterdi alqaly túrde qaraý sol qalpynda saqtaldy. Іsterdi kassatsııalyq qaraýdy keminde úsh sýdıa, joǵary satyda qaraý kezinde 8 sýdıaǵa deıin qatystyrý kózdeledi», - deıdi tóraǵa. Onyń sózine qaraǵanda, zańnamanyń jańa redaktsııasy arqyly taraptardyń sot aktilerin appelıatsııalyq jáne qadaǵalaý satylarynda shaǵymdanýǵa múmkindigi men múddeliligin qamtamasyz etetin normalar da engizilgen. Bul rette protseske qatysýshylar sot isin júrgizýdiń osy mańyzdy satylarynan tys qala almaıdy. «Tipti tys qalýdyń ózi olar úshin endi tıimdi bolmaıdy. Óıtkeni, appelıatsııalyq sot barlyq dáleldemelerdi básekelestik protsesinde tikeleı qaıtadan zerttep, tekseredi. Osy satyda taraptarǵa óz múddelerin qorǵap, qosymsha dálelder keltirýine múmkindik beriledi. Bul jaǵdaı sot isteriniń qaıta qaralýyna joldanýyn toqtatyp, árbir istiń birinshi satydaǵy sotta bir-aq ret qaralýyna ákeletin tóte jol bolyp tabylady. ıAǵnı, myńdaǵan taraptardy sot sheńberin qaıta-qaıta aınalý áýre-sarsańynan aryltady», - deıdi B. Beknazarov.
