Sýdıalar óz sheshimderine jaýap beretin bolady - Joǵarǵy sot tóraǵasy
«Ózderińiz kórdińizder, Elbasy bizdiń búkil problemalarǵa qarap, sot júıesine úlken qamqor kórsetti. Biz jumystyń qıyndyǵyn, júktemeniń kóptigin aıttyq. Bul turǵyda Prezıdent osy máseleni sheship, ótken aptada tıisti zańǵa qol qoıdy. Bul qujat endi jaqyn arada kúshine enedi. Sonymen qatar, áleýmettik jaǵynan qorǵalýymyz tómen ekenin de baıandaǵan bolatynbyz. Osy máselege de qatysty ońtaıly sheshim jasaldy. Al endi alańdamaı, nátıjeli jumys isteý úshin bizge barlyq jaǵdaı jasalyp jatyr. Qazir biraz óńirde jańa ǵımarattar salynýda. Sáıkesinshe, osynyń barlyǵyna suraý bolady. Bul degenimiz, ár sýdıa óziniń jeke sheshimine jaýap beretini túsinikti. ıAǵnı osy aıtqanym qur sóz emes», - dedi J. Asanov sot júıesiniń 2018 jylǵy jumysynyń qorytyndysyna arnalǵan keńeıtilgen otyrysta.
Osy oraıda ol bıyl sot sheshimderiniń sapasyna ekpin qoıylatynyn atap ótti.
«Búgingi otyrysta ishki qaýipsizdik qyzmetiniń basshysy baıandama jasaıdy. Sol kezde bizdiń sýdıalarǵa qatysty málimetter aıtylady, olardyń jasap jatqan tirshilikterin kóresizder. Bizge osynda kóp jaǵdaılar belgili. Qazirgi kezde ishki qaýipsizdik tıisti quqyqqorǵaý organdarymen óte tyńǵylyqty jumystardy atqarýda», - dep atap ótti Joǵarǵy sot tóraǵasy.
Budan buryn habarlanǵandaı, Jaqyp Asanov búgingi otyrysta durys úkim shyǵarmaǵan sýdıalardy jazalaý máselesin kóterdi.
Sonymen qatar, 2018 jyly Qazaqstanda qylmystyq isterdiń úshten biri taraptardyń tatýlasýymen aıaqtalǵany málim boldy.
