Sýdıalar Konstıtýtsııaǵa súıene otyryp, ádil sheshim shyǵarýy tıis - M.Álimbekov
ASTANA. Qazannyń 20-sy. QazAqparat /Arman Asqarov/ - Búgin Astanada QR Joǵarǵy sot tóraǵasy Musabek Álimbekovtyń tóraǵalyǵymen Konstıtýtsııa normalaryn sot tájirıbesinde tikeleı qoldaný máselelerine arnalǵan «dóńgelek ústel» otyrysy ótti.
Otyrys barysynda elimizdiń bas sýdıasy atap kórsetkendeı, búginde quqyqtyq tártip salasynda Ata zańymyzdyń normalaryn naqtylaý ózekti máselelerdiń birine aınaldy. Sebebi Konstıtýtsııanyń salalyq normalarynyń zańdy kúshi retteý fýntsııalaryn atqarýǵa ábden jetkilikti. «Osyǵan baılanysty bidiń sýdıalar sheshim shyǵarǵan kezde, konstıtýtsııalyq-quqyqtyq normalardy qoldanbaıdy, ıaǵnı Ata zańymyzǵa júginbeıdi», - dedi M.Álimbekov. Osy oraıda basqa elderdiń sot tájirıbesin mysalǵa keltirgen QR Joǵarǵy sot tóraǵasy: «Ózge memleketterdiń is-tájirıbesi kórsetip otyrǵandaı, eger sýdıa qoldanystaǵy zańnyń Konstıtýtsııaǵa qaıshy ekendigin kórse, onda ol negizgi zańǵa, ıaǵnı Konstıtýtsııaǵa súıene otyryp, óziniń ádil sheshimin shyǵara alady», - dep atap kórsetti M.Álimbekov.
